Legjenda e futbollit, Diego Armando Maradona, u nda nga jeta në moshën 60-vjeçare.
Lajmi trondës i cili u publikua fillimisht në mediat argjentinase, u përhap me shpejtësi në mbarë botën dhe humbja e tij na hidhëroi të gjithëve.
Para disa ditësh ai kishte kryer një operacion të ndërlikuar, pas një goditjeje të rëndë në tru dhe gjendja e tij ishte e stabilizuar, aq sa mjekët kishin dhënë lejen për të vazhduar kurën në një shtëpi pranë dy vajzave të tij.
Por jo gjithçka shkoi mirë sepse sipas raportimit të Clarin në Argjentinë, legjenda e futbollit botëror pësoi një arrest kardiak në shtëpinë e tij, në San Andres, në qytetin e Tigre.
Ai u përcoll me homazhe të mëdha, ndërsa sot ishte radha e klubit të futbollit “Barcelona” për të nderuar legjendën e humbur.
Para fillimit të seancës stërvitore, lojtarët dhe stafi teknik formuan së bashku një rreth dhe mbajtën një minutë heshtje për Maradona-n, ndërsa reagimi i Messi-t ishte ai që ra më shumë në sy.
Dy ditë pas vdekjes së Maradona-s, Messi ishte sërish po aq shumë i prekur dhe qëndroi gjatë gjithë kohës i përlotur dhe me kokën ulur.
Kujtojmë se legjenda e futbollit e kishte quajtur më herët Messi-n “trashëgimtarin” e tij.