Presidenti i Bjellorusisë, Aleksandër Lukashenko është shprehur se do të heqë dorë nga presidenca kur të miratohet një Kushtetutë e re. Në një deklaratë, ai është shprehur se është pro ndryshimit të Kushtetutës, edhe pse është shprehur se demokracia nuk është theblësore në Bjellorusi. Më tej, ai tha se i vetmi fakt që e shqetëson është se nuk mund t’ia japë këtë Kushtetutë një Presidenti të ri pasi do të ishte katastrofike.
“Unë nuk do ta formësoj Kushtetutën për të përmbushur nevojat e mia. Unë nuk do të jem president kur Kushtetuta e re të jetë në fuqi. Unë jam një promovues i një Kushtetute të re. Jo sepse kemi nevojë për demokraci, demokracia nuk është thelbësore. Në këtë situatë, ajo që më shqetëson është diçka tjetër: ne nuk mund t’ia japim këtë Kushtetutë një president i panjohur. Do të ishte një katastrofë “, prandaj” na duhet një Kushtetutë e re por duhet të jetë për të mirën e vendit,” ka mbyllur ai deklaratën.
Prej 9 gushtit, ditë në të cilën u mbajtën zgjedhjet presidenciale në Bjellorusi, vendi u përfshi në demonstrata kundër presidentit Aleksandër Llukashenko i cili pretendon se fitoi zgjedhjet me 80 % të votave, por opozita dhe qytarët besojnë se rezultati i votave është manipuluar.