Vazhdojnë debatet e shumta për buxhetin e miratuar dhe vështirësitë ekonomike në një vit kur vendi është goditur nga tërmeti dhe pandemia. E ftuar në emision, në Open, ministrja e Financave dhe Ekonomisë, Anila Denaj foli edhe gjyqin e humbur në Gjykatën e Arbitrazhit ndaj Becchettit.
Denaj tha deri sa të kemi një vendim të formës së prerë nuk do të paguhet asgjë.
Çfarë do të bëhet me gjyqin me Becchetin?- e pyeti Eni Vasili.
‘Vendimi nuk është i formës së prerë. Shqipëria e ka apeluar vendimin dhe tashmë duhet të presim. Procedurat ligjore mbase do i shpjegonte më mirë avokati i Shqipërisë. Të jemi të qartë, nuk paguajmë asgjë deri sa të kemi një vendim të formës së prerë.
Ne jemi në kushtet kur gjykata ndërkombëtare është shprehur, gjithë gjykatat nuk kanë dhënë ende vendimin final. Në momentin që të gjitha gjykatat do të vendosin, kur të vendoset që do të paguhen, atëherë do të paguhen. Gjoba nuk është fjala e duhur, ato janë detyrime. Buxheti i shtetit i paguan. Ne tani jemi në proces apelimi. Për sa kohë ky proces është i apeluar nga avokati i shtetit, nuk mund të gjykohet. Nëse do të miratohet atëherë do të shlyhet”- tha Denaj.
Kush e ka përgjegjësinë për këtë?- e pyeti Eni Vasili.
Edhe kjo është një analizë që duhet bërë pasi vendimi të të marrë formën e prerë- tha Denaj.