Artan Bajrami, drejtues i prokurorisë së Krimeve të Rënda ka dalë sot para Komisionit të Pavarur të Kualifikimit dhe pritet që vendimi të jepet të nesërmen.
Përsa i përket pasurisë, Bajrami ka rezultuar në rregull nga raporti i depozituar nga ILDKPI. Edhe DSIK gjithashtu është shprehur se nuk ka kontakte me botën e krimit. Ndërsa për aftësinë profesionale rezulton se Bajrami ka shqyrtuar 5 dosje penale në prokurorinë e përgjithshme. Subjekti ka treguar korrektësi në zbatim të ligjit. Rezulton se qëndrimet e prokurorit janë mbështetur edhe nga gjykata për krime të rënda. Subjekti respekton standardin e rregullt ligjor. Nuk ka masa disiplinore ndaj ti dhe nuk ka po ashtu as edhe një denoncim, nga 2014-2016 është vlerësuar shumë mirë” thuhet në raport.”
Pas përfundimit të seancës ai u pyet nga mediat nëse do të bëjë rekurs në Gjykatën e Lartë për çështjen e Dritan Dajtit, dhe përgjigja e tij ka qenë: Po, patjetër.
Heqja e dënimit me burgim të përjetshëm shkaktoi reagim të fortë në opinion publik. Më hrët edhe Ministrja e Drejtësisë i kërkoi KLGJ të shkarkohet gjyqtarët që ndryshuan vendimin.