Kreu i PD-së Lulzim Basha është takuar me tregtarë dhe bamorë të Burrelit, ku tha se kjo zonë është goditur nga kriza ekonomike, dhe fati i tyre është në dorën e tyre, duke i ftuar në protestën e të shtunës.
Burreli është një nga bashkitë që drejtohet nga të djathtët. “Burreli është goditur shumë rëndë nga kriza ekonomike”, tha Basha, duke u ankuar tek vendorët e vet.
“Burreli është goditur shumë rëndë nga kriza ekonomike. E gjithë Shqipëria është goditur, por Mati dhe qytete si Kukësi, e ndjejnë në palcë. Arsyeja është vjedhja, sepse taksat e larta, çmimi i lartë i naftës dhe energjisë, janë vjedhje e pastër. Para që hiqen nga xhepi i njerëzve dhe i shkojnë hajdutëve në qeveri dhe krimin. Fati juaj është në dorën tënde. Janë kapur duke vjedhur biznesin, studentët, minatorët, naftëtarët, shëndetësinë, votat siç e tregoi edhe VOA dhe këta po ju heqin bukën e gojës për të mbushur xhepat e tyre dhe kriminelëve dhe hajdutëve për të cilët punojnë. Këta kanë dalë lakuriq para syve të botës sepse janë kapur duke vjedhur”, tha Basha.