Kryeministri Edi Rama solli mbrëmjen e sotme pamje nga puna që po bëhet tek Unaza e Madhe për të finalizuar këtë vepër kaq të rëndësishme.
“Vijon puna ditë e natë në Unazën e Madhe të Tiranës, një vepër e rëndësishme për kryeqytetasit, udhëtarët shqiptarë dhe vizitorët e huaj natyrisht”, u shpreh Rama.
Unaza e Madhe e kryeqytetit përbën një segment prej 27 kilometrash të gjatë, e cila do t’i kushtojë në total buxhetit një vlerë prej 373 milionë eurosh. Përfundimi i saj në vitin 2023 lehtëson trafikun brenda Tiranës, ndërsa e lidh kryeqytetin me të gjithë rrugët dalëse kombëtare.