Barcelona-Juventus ishte një ndeshje që pritej me padurim dhe në fund nuk i ka zhgënjyer tifozët. Pas më shumë se 2 vitesh Ronaldo dhe Mesi vihen sërish përballë njëri-tjetrit dhe i rikthejnë futbollit duelin e munguar. Ylli portugez kthehet me dopietë në shtëpinë e Mesit, teksa nga pika e bardhë e penalltisë është treguar dy herë i saktë në “Kamp Nou”.
Juventusi ka fituar përballjen me shifrat 0-3, pikërisht aq sa i duhej për t’i rrëmbyer fronin katalanasve. Një triumph shumë i vlefshëm ky për bardhezinjtë, që përpos faktit që i dhuron vendin e parë në grup, mund të ndikojë edhe në ngritjen morale të skuadrës, që për hir të së vërtetës ka shfaqur luhatje nën drejtimin e Pirlos.