Politologu Ermal Hasimja nuk ka preferuar ta quajë qeverinë si një diktaturë, duke e cilësuar këtë etiketim si ekzagjërim.
Hasmja ka vijuar më tej duke vënë në dukje faktin që personat që mbajnë uniformën e shtetit apo punojnë në zyrat e saj, kanë tendencën të shfaqin arrogancë, teksa shkaktojnë pasoja tragjike si rasti i Klodian Rashës.
“Më duket e ekzagjëruar që në këtë situatë po flitet për diktaturë, se në këtë situatë ka 100 probleme, por diktaturë nuk është. Ndonjëherë i ekzagjërojmë gjërat dhe ia humbim kuptimin e vërtetë.
Dëgjoj interpretime që ministri dhe kryeministri vendosin të vrasin dikë për të futur frikën dhe terrorin te të tjerët. Nuk mendoj që ata do të vendosnin dhe do të mernin përsipër thjeshtë për frikën dhe reagimin popullor që të vrasin dikë. Ajo që është më e dukshme në këtë rast, është arroganca e një shteti që ata që mbajnë uniformë ose zyrat e shtetit në xhep, janë arrogantë në kulm sepse e ndjejnë veten më të mbrojtur, sa mund të kalojnë edhe ligjin duke dhënë pasoja kaq tragjike sa rasti në fjalë”, ka thënë Hasimja.