Armina Mevlani ka reaguar e shqetësuar për protestat që po zhvillohen në vendin tonë. Në një status në Instagram, Mevlani, e fejuara e Shkëlzen Berishës, ka ripostuar një video ku shihet se si policia hedh gaz lotsjellës kundrejt një të moshuari me patericë.
Krahas këtyre pamjeve, blogerja Armina Mevlani ka vendosur dhe një zemër të thyer, si për të treguar se është mjaft e trishtuar për këto pamje.
Sot u zhvillua dita e pestë e protestave në vend. Protestat janë zhvilluar në qytete të ndryshme të Shqipërisë, si Durrësi, Elbasani, Lezha, Cërriku dhe Fieri. Protestuesit kërkojnë largimin e Drejtorit të Përgjithshëm të Policisë së Shtetit, Ardi Veliu dhe drejtësi për Rashën.