Aksidentohen dy makina në kryqezimin e Berxullës me Laknasin, e për pasojë ka mbetur i dëmtuar një 75-vjeçar që drejtonte njërën prej mjeteve.
“Njëri nga drejtuesit e mjetit shtetasi V.B, është dërguar menjëherë në spital dhe ndodhet nën kujdesin e mjekëve”, thanë blutë e kryeqytetit.
Policia bën me dije se pas përplasjes së dy makinave, është dëmtuar dhe një mjet tjetër që ka qenë i parkuar.
Tiranë/Informacion paraprak
Me datë 15.12.2020, tek kryqezimi i Berxullës me Laknasin, janë përfshirë në përplasje mjetet me drejtues V.B., 75 vjeç, me mjetin me drejtues E. P., 43 vjeç si dhe një mjet i parkuar aty në afërsi.
Si pasojë e përplasjes së mjeteve është dëmtuar njëri nga drejtuesit e mjetit shtetasi V.B, i cili është dërguar menjeherë në spital dhe ndodhet nën kujdesin e mjekëve.
Vijon puna me grupin hetimor për sqarimin e rrethanave të ngjarjes.