Një hartë e botës e botuar nga The Economist Intelligence Unit tregon për shpërndarjen e vaksinës kundër covid-19 dhe mënyrën sesi do ta marrin shtetet.
Sipas hartës, Shqipëria dhe vendet e rajonit tonë janë në grupin e tretë, ku thuhet se vaksina do të vijë në vitin 2022.
Por sot në “open”, zv.ministrja e Shëndetësisë Mira Rakacolli ka thënë se kjo hartë bazohet mbi parashikime dhe se vendi ynë do e marrë vaksinën në muajtë e parë të vitit 2021.
Vasili: Premtimi i Ramës që vaksina do vijë në fillim të 2021, ndërsa harta e The Economist tregoi se do e marrim në 2022, si qendron e vërteta?
Rakacolli: Harta është bërë mbi bazë parashikimesh të bëra dhe në bazë të nivelit të informacionit që kanë këto kompani që i publikojnë. Nuk e di se kush ka qenë burimi i informacionit që kanë marrë. Mënyra se si qeveria jonë ka ndjekur dinamikën e zhvillimit të vaksinës, ka qenë e vrullshme. Siç ka thënë dhe kryeministri muajt e parë të vitit do vaksinohemi. Ne kemi paguar për Covax-in. tani varet cila vaksinë do jetë e para. Covax-i ka në potrofolin e saj shumë vaksina. Ato që do vijnë këtu do jenë të sigurta dhe që e kenë marrë certifikatën nga FDA. Te portofoli i Covax është dhe ‘Astra/zeneca dhe po negociohet për ‘Modernën’.