Për herë të parë pas 800 vitesh do të jetë përsëri i dukshëm Ylli i Betlehemit, që do të shfaqet në qiell gjatë këtij muaji. Sipas revistës Forbes, pamjet do të jenë të mundshme gjatë gjithë muajit, dhe në veçanti më 21 dhjetor, kur do të jetë solstici dimëror. Sipas revistës, atë ditë do të verifikohet radhitja mes Jupiterit dhe Saturnit.
Pra një radhitje, dhe jo një kometë në kuptimin shkencor: afrimi i dukshëm mes dy planeteve do t’i japë jetë një pike të vetme shumë të shndritshme në qiell. “Ylli i Betlehemit” është një fenomen astronomik vërtet shumë i rrallë: hera e fundit ka qenë në mesjetë, dhe do të ndodhë përsëri në vitin 2080.
Për të parë këtë fenomen, vëzhguesit do të duhet të vendosin teleskopët e tyre në drejtimin jug-perëndim, duke nisur gjysëm ore pas perëndimit të Diellit.