Kryetari i Lëvizjes Vetëvendosje, Albin Kurti ka bërë të ditur se partisë së tij i është bashkuar së fundmi edhe Mustafë Bajrami.
Ky i fundit është konsideruar si terrorist islamik, me pikëpamje anti-perëndimore.
Kurti ka thënë se Bajrami si lobues për njohjen e Kosovës në shumë shtete të botës dhe si njohës i mirë i Lindjes së Afërt e të Mesme, sjell dije e përvojë të vlefshme për LVV-në.
Kjo prurje e re e njoftuar nga vetë Albin Kurti, në vend që të jepte entuziazëm, ka sjellë pakënaqësi tek disa persona, të cilët e kanë kritikuar një veprim të tillë.
Një ndër ta ka qenë edhe analisti kosovar, Blerim Latifi, i cili shkruan në rrjetet sociale se kjo aleancë është bashkim i urrejtjes që majtistët kanë për kapitalizmin perëndimor me urrejtjen që ekstremistët islamikë e kanë për vlerat kulturore të Perëndimit.
“Pas anëtarësimit të këtij radikalit islamik në “Vetvendosje” realizohet ëndrra e Albinit për tu reformuar si idhtarë i Enver Hoxhës, duke u bërë “edhe Enver, edhe Hoxhë””,- Blerim Latifi, analist kosovar.
Shumë vite më parë filozofi francez Pascal Bruckner paralajmëronte: Një aleancë e re ideologjike po lindë në botë, Islamo-majtizmi, aleanca e ateistëve të majtë me ekstremistët islamikë. Kjo aleancë është bashkim i urrejtjes që majtistët kanë për kapitalizmin perëndimor me urrejtjen që ekstremistët islamikë e kanë për vlerat kulturore të Perëndimit. Tani edhe në Kosovë kjo aleancë po shtrihet. Veç ky flamur duhet të hiqet nga kjo aleancë, se nuk e ka vendin aty. Ky flamur i takon veç kombit shqiptar dhe ëndrrës së tij perëndimore”,- shkruan Latifi në rrjetet sociale.