Drejtoresha Teknike e Organizatës Botërore të Shëndetësisë, Maria van Kerkhove, ka deklaruar se versioni i ri i COVID-19 që u shfaq në juglindje të Anglisë është gjetur edhe në Danimarkë, Hollandë dhe Australi.
“Një lloj i ri i koronavirusit u shfaq në Danimarkë, Holandë dhe kishte një rast në Australi, por nuk u përhap më tej atje,” tha Van Kerkhove për BBC.
E pyetur nëse verisoni i ri i virusit erdhi nga Anglia jug-lindore, ajo e pohoi.
“Sipas informacionit që Anglia ndan me ne, lloji i ri erdhi ose nga juglindja e Anglisë ose nga Londra,” tha Van Kerkhove.
Drejtoresha Teknike e OBSH tha se organizata është e shqetësuar pasi virusi ka shumë mutacione, ndërsa shtoi se lloji i ri i virusit nuk shkakton raste më të rënda, sipas rezultateve paraprake.
“Ne jemi të shqetësuar për përhapjen e virusit dhe faktin se ka shumë mutacione. Ne jemi të vetëdijshëm se lloji i ri nuk shkakton raste më të rënda sipas rezultateve paraprake, megjithatë, studimet janë duke u zhvilluar dhe ne do të shohim rezultatet,” tha ajo.