Mediat italiane bëjnë të ditur se është arrestuar ish e dashura e djalit të çiftit Shpëtim dhe Teuta Pasho trupat e të cilëve u gjetën të copëtuar në katër valixhe më 15 dhjetor.
Elona Kaleshi është prangosur mëngjesin e kësaj të marte dhe mbi të rëndon akuza për vrasje, fshehje dhe masakrim të trupave të çiftit.
Ka dyshime se ajo ka qenë personi i fundit që ka parë çiftin Pasho. Vajza e çiftit Pasho, Vitoria ka thënë se ka qenë Kaleshi ajo që ka parë prindërit e saj për herë të fundit, ndërsa ish-e dashura e Taulant Pashos ka mohuar një gjë të tillë.