Sekretarja e Përgjithshme e PDIU-së, Mesila Doda tha se bashkëpunimi i PDIU-së me Bashën ka si qëllim të largojnë Ramën dhe rikthejnë normalitetin në vend. E pyetur nëse ky bashkëpunim do e rikthejë atë në listat e PD-së, Mesila Doda tha në një intervistë për Report Tv se ajo ka qenë që 20 vjeçe pjesë e së djathtë dhe është e afërt me këtë parti, por që në këto moment nuk ka rëndësi emri i saj, por fitorja e opozitës.
“Nuk është më çështje individuale, PD mbetet partia që kam qenë 20 vjeç dhe nuk ka më thënë kurrë që s’do jem kurrë pjesë e të djathtëve apo demokratëve. Sigurisht që ndihem shumë afër. Nuk ka asnjë rëndësi as emri i Mesilës dhe as ndonjë emër tjetër. Çështja është të bashkojmë forcat dhe të arrijmë një rezultat që të ketë mundësi të sjellë një Shqipëri normale. Nuk po them të krijojmë një begati gjatë viti të parë, por të sjellë normalitetit mbi të gjitha dhe të sjelli një shtet që nuk vjedh në xhepat e qytetarëve”, tha Doda.
Doda tha se PDIU të vetmet kërkesa që ka ndaj kryedemokrati Basha është që të kenë bashkëpunim programor në objektivat kryesore si çështja çame apo largimi njëherë e mirë e dhunës policore.
“E vetmja kërkesë me Bashën është që të gjithë së bashku të përzëmë Ramën. PDIU sigurisht që ka programin e saj çështjen kombëtare, çështja çame apo largimi i dhunës policore. E rëndësishme për ne është të kemi një bashkëpunim programor dhe cilat janë objektivat tona kryesore”, tha Doda.