Yjet anglezë nuk janë shumë të dhënë pas respektimit të rregullave. Një të tillë ka thyer edhe mbrojtësi i kombëtares, Deni Roz. Lojtari i cili është në pronësinë e Totenhem, por që këtë sezon luan falë formulës së huazimit me Njukasëll, ka qenë në orën katër të mëngjesit autor i një aksidenti me makinë.
30-vjeçari si pasojë e shpejtësisë jashtë normave të lejuara ka humbur kontrollin e mjetit duke u përplasur, teksa për fat të mirë ka shpëtuar vetëm me dëme material. Vetë Roz ka qenë në gjendje shumë të mirë shëndetësore, ndërsa pas përplasjes në vendngjarje ka ardhur policia e cila ka arrestuar futbollistin.
Një fakt lehtësues për Roz është fakti se nga testimet e kryera ka rezultuar se nuk ka qenë nën konsumin e alkoolit. Tashmë, mbetet për t’u parë si do të veprojnë autoritet teksa pritet që Roz t’i hiqet leja e drejtimit dhe të marrë një gjobë të konsiderueshme.