Turbina mori një fitore shumë të rëndësishme në javën e fundit të Kategorisë së Parë teksa la pas rezultatet zhgënjyese dhe mposhti Pogradecin me rezultatin, 4-1. Por, duket se ky sukses i carrikasve nuk ka mjaftuar që trajneri Marselo Troisi të qëndrojë ende në krye të ekipit.
Braziliani është përshëndetur me lojtarët duke e konsideruar të mbyllur këtë kapitull në karrierë.
Megjithatë, ende mungon zyrtarizimi nga klubi i Turbinës, për të sqaruar përfundimisht të ardhmen e trajnerit Troisi, i cili në të kaluarën e tij në Shqipëri ka trajnuar edhe Flamurtarin, Kukësin apo Laçin.