Gazetari sportiv Dëfrim Methasani njoftoi sot se Ylli Agolli, humbi jetën në moshën 85 vjeçare, në Shtetet e Bashkuara të Amerikës. Agolli njihet për kontributin e tij në sportin e mundjes shqiptare, si sportist, trajner dhe pedagog. “Trajner i Merituar”, “Nderi i Sportit Shqiptar”, “Nderi i Mundjes Shqiptare” janë disa prej titujve që i ndjeri Agolli mori për meritat e tij në sportin e mundjes. Komuniteti i mundjes humbi ish trajnerin e ekipit kombëtar të mundjes, ish trajnerin e ekipeve “17 Nëntori”, “Studenti”, ish shefin e kadedrës së ngritjes së peshave dhe IKF “Vojo Kushi” si dhe ish sekretarin e Federatës Shqiptare të Mundjes.
Postimi i Methasanit:
Humbëm një tjetër kollos të sportit. Nga Amerika e largët vjen lajmi i hidhur i ndarjes nga jeta të Prof Ylli Agollit, ish kampionit sportist, trajner dhe pedagog në sportin burrëror të mundjes. Në moshën 85 vjeç, zemra e tij ndaloi së rrahuri, me mallin e madh për vendin e tij dhe protagonistët e mundjes. Homazh dhe respekt për ikonën e një sporti të tillë, që la pas gjurmë historie, pune, rezultatesh dhe krenarie. U prehsh në paqe mjeshtër!