Bashkimi Evropian nis nesër vaksinimin. Ursula Von Der Leyen shkruan në Twitter se vaksinimi është çelësi për të dalë nga pandemia.
Duke shpërndarë mesazhin e saj, Drejtori i Komunikimit në Kryeministri, Endri Fuga, e cilëson si një lajm të shkëlqyer. Por ai shprehet se Balkani Perëndimor u la sërish vetëm pavarësisht se gjashtë shtetet e tij janë sa një vend i BE.
Reagimi i plotë:
“Lajm i shkëlqyer. Sa afër, aq dhe larg. Balkani Perëndimor prapë i lënë vetëm. Duke shpresuar se në një të ardhme të afërt kjo do të ndryshojë. Dhe kur e mendon, që ne të gjashtë shtetet e Balkanit Perëndimor jemi më pak se sa një shtet anëtar i BE-së. Në një pandemi, mund të jesh i sigurt aq sa janë komshinjtë e tu.”