La Gazzeta dello Sport shkruan se ekipi i Romës në listën e merkatos në janar ka futur edhe shqiptarin e Napolit Elseid Hysaj.
Menaxheri i verdhekuqve tashmë po punon për të nënshkruar me lojtarët e rinj. Futbollisti shqiptar pritet të largohet nga Napoli pasi verën e ardhshme i përfundon dhe kontrata.
Agjenti i tij Mario Giuffredi ka thënë për Football Italia se prioritet i mbrojtësit është të kërkojë ofertën më të mirë të mundshme.
Mes Hysajt dhe Napolit nuk duket se do të ketë ndonjë mundësi të rinovimit të kontratës dhe kontaktet e tyre janë ndërprerë, pasi kërkesat ekonomike të futbollistit shqiptar u konsideruan të larta nga Napoli.
Nëse Hysaj shkon te Roma atëherë do të bëheshin dy shqiptarë kuqezinj bashkë me Marash Kumbullën.