Nënkryetari i Parlamentit, njëherësh deputeti i PD-së, Edi Palokam që i hodhi bojë kryeministrit Edi Rama gjatë seancës parlamentare sot, tha se ai e kishte menduar mirë këtë veprim dhe e quajti të drejtë.
“Nuk fyhem nga Rama, Ai bën arrogantin, i vjedh shqiptarët, i fyen edhe i tall. Po jam thuthuq, kështu jam. Nuk është krim të jesh thuthuq. Por ky zotëria kur nuk ka më argumente me këtë mënyrë do të vazhdojë. Veprimin e mendova mirë. Garda e tij po heton për lëndë kimike, por ka qenë bojë. E mendova mirë. Më ndihmoi Zoti që ia hodha në gojë. Ai i fyen të gjithë..”, tha Paloka në emisionin “Opinion”.
Në lidhje me protestën e 16 qershorit, Paloka tha: “Qytetarët na kanë kërkuar ta organizojmë. Leje nga policia? Nuk marrim leje për të hequr Ramën. Nuk na ndalon njeri të protestojmë. Nuk na ndal as Leshi dhe as Lleshi. Duan të më shkarkojnë nga nënkryetar i parlamentit? As më…mos të them ndonjë llaf tani. Nuk e kam problem fare këtë gjë”, tha Paloka