Të gjithë përdoruesit e transportit publik do të blejnë abonenë me ulje për këtë muaj. Nga 16 mijë çmimi ka shkuar në 12 mijë lekë të vjetra. Këtë muaj abonetë nuk u shitën në kioska por nga disa persona të paautorizuar.
Sipas Shoqatës së Transportit Publik kjo gjë ka ndodhur, pasi në momentin që kompanitë kanë mungesë likuiditeti për shpenzimet ditore detyrohen të ulin çmimin.
Shoqata ka kërkuar vazhdimisht mbështetje me subvencione nga ana e qeverisë, por edhe pse transporti publik ka kaluar një periudhë të vështirë për shkak se qëndroi mbyllur për një periudhë të gjatë si pasojë e pandemisë, e vetmja ndihmë që kanë marrë nga qeveria ka qenë paga e luftës.