Mira Rakacolli, kryesuesja e Komitetit Teknik të Ekspertëve bëri të ditur se mbeten në fuqi të njëjtat masa, teksa situata paraqitet e qëndrueshme.
Përsa i përket llojit të ri të virusit, të ashtuquajtur virusi anglez, ajo tha se nuk ka të dhëna se mund të ketë mbërritur në Shqipëri.
“Situata e qëndrueshme me tendencë ulje, por që pritet të konfirmohet ose jo në javët në vazhdim. Nga ana tjetër akoma nuk kemi të dhëna të sakta, apo të plota për praninë e virusit të ashtuquajtur virusi anglez në Shqipëri. Në diskutimet e bëra sot mendohet që kjo situatë e qëndrueshme është pasojë e masave të mara.
Të vazhdojnë të mbeten në fuqi ora policore që nis pas orës 22.00, universitetet të vazhdojë dhe për një periudhë dy javore online pa praninë e studentëve, dhe po kështu fluturimet me Britaninë e Madhe të pezulluara deri më 18 janar”, bëri të ditur ajo.