Një aksident i rëndë është regjistruar mbrëmjen e sotme në aksin rrugor Shkodër-Koplik.
Dy mjete janë përplasur me njëra-tjetrën dhe për pasojë ka mbetur i plagosur rëndë shoferi i një prej mjeteve. Ai është dërguar me urgjencë në spitalin e Shkodrës.
Dyshohet se shkak për aksidentin është bërë shpejtësia tej normave të lejuara dhe moti i keq.
Policia dhe grupi hetimor ndodhen në vendngjarje, teksa po punojnë për zbardhjen e dinamikës së aksidentit.