Një 47-vjeçar i larguar nga shtëpia prej ditës së djeshme është gjetur i pajetë në anë të një kanali në fshatin Mes të Shkodrës.
Dyshohet se ai mund të ketë qenë në efektin e alkoolit dhe është rrëzuar aksidentalisht e për pasojë është mbytur në kanal bën të ditur policia e Shkodrës.
NJOFTIMI
Shkodër/ Informacion paraprak
Më datë 11.01.2021, rreth orës 13:00, në fshatin Mes, Postribë, Shkodër, në anë të një kanali është gjetur pa shenja jete shtetësi M. U., 47 vjeç, banues në fshatin Mes, Shkodër, i cili ishte larguar nga banesa mbrëmjen e djeshme.
Nga verifikimet paraprake nuk konstatohen shenja dhune. Dyshohet se ky shtetas duke qenë nën efektin e alkoolit është rrëzuar aksidentalisht dhe për pasojë është mbytur në kanal.
Grupi hetimor, nën drejtimin e Prokurorisë, po vijon veprimet për sqarimin e plotë të rrethanave të ngjarjes.