Në Klinikën e Ortopedisë në Qendrën Klinike Universitare në Kosovë, gjatë ditës së sotme është ndalur energjia elektrike teksa mjekët ishin në mes të një operacioni.
Ata kanë përfunduar ndërhyrjen kirurgjikale me ndihmën e dritës së telefonit.
Ortopedi në këtë klinikë, Sami Delijaj, ka treguar për Express se incidenti ndodhi sot rreth orës 09:30. Ai ka treguar se bashkë me kolegët e tjerë kanë vazhduar operacionin, i cili ka rezultuar me sukses.