Qyteti i Milotit u trondit këtë mesditë nga të shtëna me armë zjarri në qendër të qytetit.
Mësohet se i plagosur ka mbetur Ylli Ibrahimi, 45 vjeç. Ai është qëlluar sapo ka dalë nga lokali dhe dyshohet të ketë qenë në vëzhgimin e autorëve. Ibrahimi është dërguar në spitalin e Traumës në Tiranë i plagosur.
Policia bën të ditur se po kontrollohet e gjithë zona dhe pika kontrolli me qëllim identifikimin dhe kapjen e autorit/ ëve.
Lezhë/Informacion paraprak
Rreth orës 12:10, në Milot,Kurbin, në rrethana ende të paqarta është plagosur me armë zjarri shtetasi Y.I., i cili është transportuar në spital dhe ndodhet nën kujdesin mjekësor.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.