Disa javë më parë Noizy paralajmëroi se kishte gati një këngë të re, si diss për të gjithë ata që i janë kthyer kundër këto kohë. Reperi deklaroi se kënga do të mbante titullin “1 herë e mirë” dhe se do ju mësonte gjithë “armiqve” të tij se kush është ai.
““1 herë e mirë”. Titulli i këngës së radhës. Për të gjithë diss-at që më keni kushtuar. S’ja keni idenë sa ka me ju dhimt realiteti. Boni gati arkivolat vetë. ‘Na jena OTR’ s’ka qenë gjo domethënë. Konga shumë e gjatë se vetë i keni fajet m’keni bo 3000 dissa”, shkroi Noizy.
Fillimisht, reperi tha se kënga do publikohej në datë 31 dhjetor në orën 23:59. Por, nuk e dimë se çfarë ndodhi e plani ndryshoi pasi ai e shtyu publikimin e këngës së shumëpritur. Ndërkohë mbrëmjen e djeshme ai ju vendos fansave kusht që të bënin 100 mijë komente në një postim të tij dhe më pas do publikonte këngën. 100 mijë komente u bënë për 2 orë dhe më pas Noizy vendosi një tjetër kusht.
Ai kërkoi që po aq komente fansat të bënin edhe në profilin e Lil Pump, i cili ka paralajmëruar po ashtu një projekt të ri. Edhe këtë gjë fansat e tij e kanë realizuar dhe tashmë Noizy është gati ta nxjerrë projektin e shumëkërkuar.
Sot reperi ka publikuar një pjesë shumë të shkurtër nga kënga “1 herë e mirë”. Në videon e shkurtër reperi shihet në një ambient të errët i pozicionuar përpara një mikrofoni.
“Përmendet Noizy përmendet pikturë e madhe”, shprehet reperi në këngën e tij, që nuk dihet se në çfarë ore do të publikohet. Ndoshta kjo gjë Noizy dëshiron t’ua bëjë fansave të tij surprizë, ndaj do të na duhet të presim edhe pak.