Kreu demokrat Lulzim Basha foli mbrëmjen e sotme tek emisioni i Blendi Fevziut nëse Berisha apo familjarë të liderit historik të kësaj force do të jenë në listat për deputetë për zgjedhjet e 25 prillit,
“Nuk merrem me nderime familjesh, nuk e shoh si detyrën time. Padiskutim që një nga spin-et e strategjisë së Edi Ramës është të zhvendosë vëmendjen nga unë, dhe ta zhvendosë te dy persona të tjerë, presidentin aktual dhe te z.Berisha. Edi Rama është mjeshtër i një shahu politik, që banalizoi fushatën e 2017-ën në dy fjalë tepsi dhe timon. Këtu shkëlqen, por ka një dështim katastrofal mbi ekonominë, uljen e taksave për 97 për qind të shqiptarëve ku i ka?!”, tha Basha.