Ka disa ditë që Mauro Icardi është bërë lajm kryesor në Itali. Pasi i hoqën shiritin e kapitenit dhe pasi argjentinasi nuk preferoi të shkojë me ekipin në Vjenë, duke qëndruar në shtëpi, një tjetër lajm vjen për futbollistin.
Revista e skandaleve e themeluar nga paparaci i famshëm, Fabricio Corona, “The King Corona Magazine” shkruan se “Mauro Icardi është në prag divorci me gruan e tij, Wanda Narën, e cila e ka tradhtuar me Marselo Brozovicc”.
Lidhur me këtë artikull ka reaguar menjëherë mesfushori kroat i Interit, i cili ka paditur revistën për shpifje. Ai ka hedhur poshtë lajmin, duke thënë se mes tij dhe Wanda Nara-s nuk ka pasur asnjë raport.
Gjithashtu Marselo Brozovicc ka mohuar kategorisht se është dhunuar nga Mauro, siç thuhet në artikullin e “The King Corona Magazine”. Avokati i futbollistit kroat është shprehur se, “artikulli është fals e shpifës dhe vë në dyshime moralin dhe imazhin e futbollistit, duke e akuzuar padrejtësisht për qëndrimet dhe sjelljet që nuk janë zbatuar kurrë”.
Por gjithsesi dyshimet janë ende, duke qenë se Wanda tradhtoi ish-bashkëshortin e saj, lojtarin argjentinas Maxi Lopez pikërisht me Ikardin, i cili vinte shpesh në shtëpinë e Maksit si shoku i këtij të fundit.