Senati amerikan ka miratuar emërimin e Avril Haines, duke e bërë atë gruan e parë që do të jetë drejtoreshë e inteligjencës kombëtare(CIA) dhe e para e zgjedhjeve të presidentit që u miratua, sipas CNN.
Votimi ishte 84 pro dhe 10 kundër, me të gjitha votat jo nga republikanët. Të dy demokratët dhe republikanët kryesorë lëshuan deklarata duke vlerësuar të nominuarën. Midis republikanëve që votuan kundër Haines ishin senatorë me reputacion që kishin ambicie të udhëheqjes së partisë si Ted Cruz nga Teksasi dhe Josh Haëley nga Misuri.
Haines, 51 vjeç, është rritur në New York si fëmijë i vetëm, duke u kujdesur për të ëmën e saj, e cila vdiq kur Haines ishte 15-vjeçare. Pas përfundimit të shkollimit fillestar, ajo shkoi në Japoni dhe ndoqi trajnime në një akademi të xhudos. Atje mori rripin bojëkafe, shkalla e dytë për nga rëndësia në xhudo. Mandej Avril Haines u kthye në Chicago, ku studioi fizikë teorike. Krahas studimeve ajo restauroi një avion të vjetër, mësoi të fluturojë dhe deshi të kalojë Atlantikun me avion. Por për shkak të problemeve teknike me avionin “Cessna 310” ajo u ul në Neëfoundland. Bashkë me të ishte i dashuri i saj, i cili tani është burri i saj.
Pas kësaj aventure Avril Haines shkoi në Baltimore për të shkruar një punim doktorate, por brenda një viti hoqi dorë nga ky synim dhe hapi një librari. Në qytet libraria ishte e njohur, mes tjerash, edhe për një koleksion të gjerë të literaturës erotike. Pas librarisë Haines iu kthye sërish universitetit dhe studioi drejtësi.
Pastaj ajo filloi të punojë në administratën shtetërore, së pari në ministrinë e Jashtme, më pas në Senat, ku u njoh me Joe Bidenin dhe më 2008 iu bashkua ekipit të tij pas zgjedhjes së Barack Obamës si president dhe Bidenit zvpresident. Në këtë qeveri Avril Haines punoi në Këshillin për Siguri Nacionale, pastaj u bë zëvendësdrejtore e CIA dhe më vonë zëvendëse e këshilltarit për siguri nacionale.
Gjatë prezantimit si koordinatore e të gjitha shërbimeve sekrete ajo tha se politika nuk duhet të përzihet në punën e shërbimeve sekrete. Kjo u kuptua si kritikë e ashpër ndaj Donald Trumpit. Avril Haines premtoi se do ta publikojë raportin sekret mbi vrasjen e gazetarit saudit Xhamal Kashogi.
Ajo gjithashtu i tha panelit që Biden ka treguar se Shtetet e Bashkuara duhet të gjejnë një mënyrë për të imponuar kosto ndaj sulmuesve kibernetikë për hakërimin e fundit të SolarËinds, atribuar Rusisë, në agjencitë dhe bizneset qeveritare të SHBA. Rusia e ka mohuar përgjegjësinë për këtë sulm kibernetik.