Merr fund aventura e Amir Abrashit në radhët e klubit të Frajburg në Bundesligë. Mesfushori I përfaqësueses shqiptare, ka vendosur që të mos vazhdojë të jetë më një “xhol” për mesushën e klubit të Bundesligës, pasi kërkon të luajë rregullisht. Ndaj ai ka pranuar ofertën që i është bërë nga Zvicra, duke u bërë pjesë e skuadrës së Bazelit.
Lajmi është zyrtarizuar sot nga klubi zviceran, ndërsa është bërë e ditur se Abrashi ka firmosur për 6 muaj huazim me të drejtën e blerjes përfundimtare të kartonit të itj në fund të këtij edicioni. Kështu, ai zgjodhi më mirë t’i bashkohej skuadrës që mban vendin e katërt aktualisht në kampionatin zviceran, për të zëvendësuar Taulant Xhakën e dëmtuar që do të mungojë në këtë sezon.
“Çdo gjë u krye shumë shpejt në ditët e fundit, ndaj jemi shumë të lumtur që gjithçka funksionoi siç duhet. Unë jam i uritur, kam shumë energji dhe dua që t’ia dal. Jam gati të bëhem copë për Bazelin”, ishin fjalët e Abrashit pas transferimit te skuadra zvierane, pas 5 viteve te Frajburgu. Tani klubi pret vetëm mbylljen e procedurave shkresore, për të aktivizuar lojtarin, por raportohet se ai nuk do të mundë të luajë ndeshjen e mesjavës ndaj Sionit për mungesë dokumentacioni.