Katër persona janë arrestuar në Turqi me akuzën e spiunazhit. Dyshohet se këta persona kanë zbuluar informacione të rëndësishme për Forcat Detare Turke.
Bëhet fjalë për tre pjesëtarë të stafit ushtarak dhe 1 civil që janë dërguar në polici pas hetimit të lëshuar nga Prokuroria e Ankarasë. Siç shkruajnë mediat, këta persona kanë zbuluar informacione të rëndësishme sa i përket helikopterëve, anijeve dhe sistemit të armëve që ka Marina Turke.
“Të dyshuarit, duke përshirë dy oficerë të tërhequr dhe një rreshter akuzohen për zbulimin e informacioneve sekrete që u përkasin shtetit”, thoshte Anadolu.
Një prej të dyshuarve është arrestuar më herët gjatë këtij muaji mbi akuzën e rrjedhjes së dokumenteve të Industrisë së Mbrojtjes së Presidencës Turke për kompanitë e huaja.