Vëllai i Albert Krasniqit, biznesmenit që u vra nga i ati Skënder Krasniqi ka bërë një dedikim për vëllain e tij që sot nuk është më. Ylli Krasniqi ka publikuar një foto krah tij ku ka shkruar se Alberti ishte një djalë bujar dhe trim, ndërsa ka shtuar se do të takohen bashkë në botën e përtejme.
Më konkretisht, Ylli Krasniqi, ka shkruar se:
Faleminderit të gjithëve për ngushëllimet e përzemërta. Me pamundësi t’i kthej të gjitha mesazhet dua të ju falenderoj shumë. Nëse më lejohet të përmbledh diçka në emër të vëllait tim, dua të them diçka… Për ata që e njohën mirë Albertin ai ishte zemra e huaj dhe një person që nuk peshohet me aksënd për nga bujaria dhe trimëria e tij. Pusho i qetë vëllai im se të duhet me pushu pak nga kjo botë e përkohshme. Do të takohemi në botën e vërtetë dhe do rrimë bashkë ashtu si kemi nejt në kët botë të rrejshme. Të kam dasht të dua dhe do të dua gjithmonë.