Ministrja e Shtetit për Marrëdhëniet me Parlamentin, Elisa Spiropali si dhe një nga drejtueset politike të PS ka deklaruar se PS do marrë 19 ose 20 mandate në Tiranë.
Spiropali e sfidoi Çanin duke i thënë se vendos bast me të. Dhe se fjala e saj ishte tashmë publike dhe me video.
“Unë dhe Erion Veliaj jemi dy drejtuesit politikë në Tiranë. Nuk jam vetëm, jemi një ekip i madh. Listat nuk kanë dalë ende, unë jam drejtuese politike. Gjithë procesi i shërbimeve në bashku, ndryshimi i mentalitetit në mënyrën si qeverisin Rakip Suli, Erion Veliaj, është krejt ndryshe nga mënyra si janë dominuar këto zona vite më parë. Po nuk morrëm 19 ose 20 mandate, shënoje, është në video kjo deklararë. PD mori 11 mandate në Tiranë në 2017. Vetëm nëse papritur Luli zgjohet nga gjumi kthehet në një snajper të vërtetë dhe ndryshon edhe emrin edhe qasjen edhe gjithçka tjetër, mund të rriten për të na mbërritur, jo për të na e kaluar”, tha Spiropali në Zonë e Lirë.