Policia e Fierit bën të ditur se 36-vjeçari Saimir Meçani është arrestuar nën akuzën e dhunës në familje dhe përdhunimit të gjyshes së tij 89-vjeçare.
Ngjarja e rëndë u shënua në fshatin Grabian të Divjakës një ditë më parë. Ka qenë vetë e moshuara e cila i ka rrëfyer të birit se çfarë kishte bërë nipi i saj.
“Specialistët për Hetimin e Krimeve në Komisariatin e Policisë Divjakë, arrestuan në flagrancë shtetasin S. M., 36 vjeç, banues në Lushnjë, pasi dyshohet se në fshatin Grabian, Divjakë, në banesën e gjyshes së tij, shtetases H. K., 89 vjeçe, ka dhunuar dhe kryer marrëdhënie seksuale me dhunë me këtë shtetase. Materialet i kaluan Prokurorisë pranë Gjykatës së Shkallës së Parë Lushnjë për veprat penale “Dhunë në familje” dhe “Marrëdhënie seksuale ose homoseksuale me persona të pazotë për tu mbrojtur”, thuhet në njoftimin zyrtar të policisë së Fierit.