Kongresmenja demokrate në SHBA, Alexandria Ocasio-Cortez, ka rrëfyer për herë të parë, se ajo është sulmuar seksualisht. Mes lotësh, ajo tha se e kishte mbajtur të fshehur këtë fakt, dhe shumë pak njerëz e dinin këtë pjesë të hidhur të jetës së saj.
“Unë jam një e mbijetuar e sulmit seksual,” tha ajo. Ajo ka qenë një nga yjet më të mëdha të Demokratëve që nga zgjedhja e saj në 2018. Ocasio-Cortez përfaqëson rajonin e 14-të në New York City, duke mbuluar pjesë të Bronx dhe Queens. Para pak kohësh, ajo u bë kryefjala e mediave botërore, pas një fjalimi të mbajtur në Kongres, duke refuzuar faljen e një kolegu pasi ai përdori fjalë seksiste.