Kreu i Aleancës për Ardhmërinë e Kosovës, Ramush Haradinaj ka thënë se do të bëjnë referendum për bashkim me Shqipërinë nëse Kosova nuk do të anëtarësohet në NATO. I ftuar në Euronews ai tha se do të krijojnë një momentum të ri. Ai gjithashtu tha se është koha që Kosova të njohet si shtet dhe të gjejnë një zgjidhje për konfliktin me Serbinë.
“Nëse Kosova nuk është në dyer të NATO-s, të na bashkohen të gjithë për referendum, për union me Shqipërinë. Të krijojmë një momentum të ri, të jetojmë më të konsoliduar si në planin e jashtëm dhe të brendshëm. Tash është koha për njohje. Që të kemi një zgjidhje në raportet Kosovë Serbi në kufijtë ekzistues”, tha Haradinaj.