Një ushtarak i Forcave të Armatosura të Greqisë, me origjinë shqiptare Armand Ibrahimi ka ndërruar jetë pasi avioni i tij është rrëzuar në malet e Zagorit. 32-vjeçari ka qenë duke bërë një stërvitje rutinore dhe ende nuk është bërë e ditur se çfarë e ka shkaktuar këtë ngjarje.
Mediat greke njoftojnë se ekipet ushtarake të shpëtimit kanë shkuar në vendngjarje dhe kanë ngritur një hetim për të zbardhur rrethanat e fatkeqësisë.