Në Tiranë ka një përplasje të fortë mes partive LSI dhe PS, por kjo nuk mund të thuhet në rrethet e tjera. Korça është shembulli I fundit I bashkëpunimit mes të dyja partive. Kështu, pas Durrësit dhe Elbasanit, këshilltarët e LSI-së në këshillat bashkiakë bashkuan votat me socialistët, për të votuar buxhetin edhe në Bashkinë e Korçës.
Socialistët në këtë bashki kanë 21 këshilltarë. Më herët kishin marrë dy këshilltarë të LSI-së, ndërsa sot, edhe 3 të tjerë votuan buxhetin e bashkisë, pavarësisht kundërshtimit të fortë të aleatëve të tyre të Partisë Demokratike. Këshilltarët demokratë kërkuan të votohej kundër, për shkak të pakënaqësive që kishin për buxhetin.