“Mendoj se ti ke një lidhje jashtë” ishte pikërisht kjo frazë e Meridianit kundrejt Ledjanës që nisi një debat të gjatë në studion e Përputhen Prime.
Opinionisti i ftuar, Meridiani, tha se mendon se Ledjana ka një lidhje jashtë prandaj i qëndroi larg Mevlanit në takimin me të.
I pari ndërhyri Eri i cili tha “ky nuk është mendim pasi dëmton vajzën”, dhe këtë mendim e mbështeti edhe Arjan Konomi i cili i quajti të pabaza këto akuza.
“Po çi keni këto llafe, vini akuzoni vajzën për diçka kaq delikate, se ju doni të bëni lajme nëpër portalet tuaja dhe plasni skandale kot. Unë kurrë s’kam bërë akuza të pabaza, kam qenë kryeredaktor për 8 vite dhe revista ime s’ka pasur një gjë të tillë asnjëherë. Në qafë paçin veten ata që gënjejnë për të tilla gjëra,” tha Konomi.
Ndërsa opinionistja tjetër e Përputhen Prime, Fatma iu kundërvu: “Po ti prit njëherë Arjan, dëgjo e mos qaj pastaj, se kështu plasi bomba. Thoshin thashetheme thashetheme dhe doli që ishin të vërteta”.