Ambasadorja e SHBA-së, Yuri Kim ka telefonuar sot kreun e SPAK, Arben Kraja.
Diplomatja amerikane e ka falenderuar dhe përgëzuar atë për operacionet e fundit të SPAK, teksa shprehet se Reforma në Drejtësi po vijon, hap pas hapi.
“Unë u takova me Arben Krajën 1 vit më parë. E telefonova atë sot për t’i shprehur falënderime dhe inkurajim për hetimet, arrestimet dhe dënimet e fundit të SPAK. Reforma në Drejtësi nuk do të jetë e lehtë, e shpejtë ose e përsosur, por ne shohim rezultate tani. Le të vazhdojmë të ecim së bashku – hap pas hapi”, shkruan Kim në twitter.