Report Tv dhe Instituti prestigjioz italian Piepoli, sjellin sonte në mbrëmje sondazhin e tretë për zgjedhjet politike të 25 prillit. Sondazhi i tretë vjen 65 ditë para zgjedhjeve dhe po transmetohet në emisionin “Repolitix” të drejtuar nga gazetari Denis Minga. Sondazhi do të përqëndrohet mbi zhvillimet politike si të mazhorancës ashtu dhe të opozitës. Ç’mendojnë shqiptarët për punën e kryeministrit Rama në këtë mandat të dytë, në përballimin e sfidave të post tërmetit apo dhe të pandemisë. Si ka ndryshuar qëndrimi i qytetarëve për kreun e mazhorancës në krahasim me dy sondazhet e para. Instituti Piepoli për herë të parësjell shpërndarjen e mandateve për 4 qarqet më të rëndësishme të vendit. Bëhet fjalë për qarkun e Tiranës, qarkun e Durrësit, qarkun e Elbasanit dhe qarkun e Shkodrës.
Qytetarët shqiptarë të pyetur se si e gjykojnë qeverinë Rama në këtë mandat të dytë? 63% e shqiptarëve notë pozitive mandatit të dytë të Ramës, 37% e konsiderojnë negativ. Gjithashtu edhe me mënyrën e menaxhimit të pandemisë së koronavirusit në vend deri më tani nga qeveria Rama, qytetarët e cilësojnë pozitive, konkretisht 50 % vlerësojnë menaxhimin e qeverisë, 38% kundër masave të marra.
Edhe në këtë mbrëmje do të jetë Zv/Presidenti i Institutit Piepoli Livio Gigliuto tha se në sondazhin e sotëm ka pasur më shumë njerëz që janë pyetur mbi 800 persona dhe se mosha dhe gjinia e personave të pyetur është në përpjestim më raportin e popullsisë shqiptare dhe sigurisht edhe e 4 qarqeve që kemi parashikuar mandatet, Durrësi, Shkodra, Elbasani dhe Tirana.
“Sondazhi i sotëm është i rëndësishëm se ka prirjen që të thellojë disa tema dhe po fillon të kemi një kampion më të bazuar në zona më të gjera të vendit duke e parë edhe në aspektin e mandateve. Ketë mund ta bëjmë në 4 zona dhe muajit e fundit kemi studiuar shumë mirë opinionin e qytetarëve shqiptarëve. Herën e kaluar e bëmë në Tiranë, sot e shtrimë edhe në 3 zona të tjera. Sondazhi është kryer në mënyrë proporcionale në bazë të përmasave të qarqeve dhe kemi pasur një kampion shumë i rëndësishëm më i madh se 800 raste dhe më shumë të intervistuar në sondazhin e parë dhe kampioni grumbullohet.
Janë ndarë në mënyrë proporcionale në krahasim me zonat ku janë intervistuar dhe na thotë që sondazhi përfaqëson mendimin e shqiptarëve. Kampioni përfaqëson përbërjen reale në miniaturë të popullsisë shqiptarëve. Edhe në Itali ndodh e njëjta gjë, prandaj intervistojmë më shumë gra se sa burra, pasi janë më shumë gra se burra dhe e njëjta gjë vlen edhe për grup moshat. Përpjesëtimet janë me raportin reale të popullsisë. Edhe në këtë rast kemi ruajtur përpjesëtim sipas qarqeve dhe kemi intervistuar amë shumë njerëz dhe aty ku merren më shumë mandate. Kemi kryer më shumë intervista në këto zona”, tha Livio Gigliuto