Kreu i Partisë Socialiste të Fierit, zv.ministri i Mbrojtjes Petro Koçi ka shpërthyer në akuza të forta në adresë të presidenti Ilir Meta, ish-kryeministrit Sali Berisha dhe kreut të Partisë Demokratike, Lulzim Basha. Përmes një statusi në rrjetet sociale, numri një i socialistëve të Fierit shprehu bindjen se Basha dhe Meta janë helmuar nga vaksina “Berisha”, siç e quajti ai ish-kryeministrin, ndërsa theksoi se qytetarët do e ndëshkojnë këtë treshë me votë në 25 prill.
“Marrëzia kolektive në Partinë Demokratike kur braktisën besimin e popullit dhe dorëzuan mandatet ka vetëm një emër: Të gjithe duke filluar nga Lulzim Basha dhe deri te ata të fundit kanë bëre vaksinën Berisha! Vaksinën Berisha e hëngri dhe Lëvizja Socialiste për Integrim, duke filluar nga Ilir Meta i pari! Tani këta duan që në 25 Prill këtë vaksine t’ia ngulin popullit”, shkruan ai.