Mes një shtrirje të ngadaltë të vaksinave në Bashkimin Evropian, disa nga vendet anëtare të bllokut thonë se ata u kontaktuan nga ndërmjetës të cilët ofruan t’u shesin atyre rreth 900 milion doza të vaksinave Covid-19, ka zbuluar agjencia e BE-së kundër mashtrimit OLAF.
“Ndërmjetësuesit e dyshuar” janë duke kërkuar për një total prej 12.7 miliardë euro për vaksinat që ata pretendonin se posedojnë, tha të enjten OLAF.
Presidentja e Komisionit Evropian Ursula von der Leyen tha javën e kaluar se BE po përballej me një “numër në rritje mashtrimi dhe përpjekjesh mashtrimi në lidhje me vaksinat”. Ajo paralajmëroi qeveritë kundër blerjeve nga tregu i zi dhe premtoi se blloku ” po luftonte këtë trend”.
OLAF më herët kishte hapur një hetim mbi ofertat e vaksinave mashtruese, duke thënë se “shumë forma të ndryshme” prej tyre ishin hasur tashmë.
Mashtruesit mund të përpiqen të shesin vaksina të importuara në mënyrë të paligjshme në bllok, të përpiqen të ofrojnë imunizim të rremë ose të sigurojnë disa shembuj cilësorë të dozave, por “të zhduken” menjëherë pasi të marrin parapagimin e parë, tha agjencia.
BE po blen vaksinat e saj në mënyrë kolektive, por shtetet anëtare lejohen gjithashtu të nënshkruajnë marrëveshje vetë nëse nuk bien ndesh me marrëveshjet e negociuara nga Komisioni Evropian, një dritare që autorët po përpiqen të shfrytëzojnë.