Kryetari i Partisë Demokratike, Lulzim Basha, zhvilloi ditën e sotme një takim me qytetarët ku bisedoi për hallet dhe shqetësimet e tyre.
Basha shkoi në shtëpinë e një qytetarje që vuan nga ishemia dhe bashkëshorti i saj i shprehu shqetësimin e madh për çmimin e lartë që i shkon për tu kujdesuar dhe kuruar gruan e tij.
Por, kryedemokrati rrëfeu një detaj të jetës së tij personale dhe zbuloi se një sëmundje të tillë e ka kaluar 3 herë tek të afërmit e tij të ngushtë. Basha u zotua se PD në pushtet do të ketë prioritet shëndetësinë dhe moshat e treta.
Biseda e Bashës me qytetaren
Lulzim Basha: Kjo qeveri ka pasur tetë vite kohë për të bërë punët, por ka bërë vetëm punët e veta jo për ju. Si je me shëndet Çfarë ka bashkëshortja
Qytetari: Ajo pasi doli në pension pati një problem natyror, ishemi
Lulzim Basha: Ngrihet nga krevati:
Qytetari: Jo. Unë kam bërë të gjitha gjërat që i kanë thënë doktorët. Për 30 ditë do 600 mijë lekë. Kemi harxhuar 1 mln lekë në muaj për 6 vite rresht. Dhe rezultati është ky. Tani kam arritur ta nxjerr në komision dhe komisioni thotë që nuk i takon. Dua një kujdestari.
Lulzim Basha: Më vjen shumë keq. Kjo është një fatkeqësi që unë e kam kaluar tre herë brenda rrethit tim familjar. Ky premtoi para 8 vitesh shëndetësi falas. Ne do të mundësojmë që në veçanti mosha e tretë të ketë kujdesin minimal. Do ketë zgjidhje edhe për nusen edhe për ty. Kjo ka shpëtuar gjithë jetën, jetë njerëzish. Mos u mërzisni se do ndryshojnë gjërat.