Modelja Niki Delijorgji ka surprizuar sot moderatoren Bieta Sulo me një seancë meditimi dhe me detajet që ka treguar për veten e saj. E ftuar në “Ftesë në 5”, Delijorgji tha se ka psur kohë, si në verën e shkuar, që ajo ka qëndruar pa depiluar, me qëllim që të bënte që qytetarët ta shikonin atë.
“Unë e kam bërë, kam dalë me shumë lesh në sqetullat e mia dhe këmbët e mia sepse doja që ta hiqja këtë idenë që femrat duhet të jenë kështu. Mua më pëlqen por nuk dua. Unë e bëra kastile, edhe e ngreja çik dorën kështu që të shikonin. Nuk largoheshin por shikonin me çudi,”– tha ajo.
Më pas, Delijorgji e ftoi Sulën që të bënin të dyja një ulërimë në studio për të nxjerrë energjinë negative.
“Do ta bëjmë një kështu bashkë. Një ulërimë e një kshu. Është shumë e fuqishme kur e bën këtë kështu,”– tha ajo.
Më pas, modelja e mori moderatoren dhe e uli për të bërë një seancë meditimi, por për shkak të kohë televizive, gjithçka u ndërpre.