Ministrja e Jashtme Olta Xhaçka do të jetë në Korçë.
Burime për tirananews.al bëjnë me dije se kur kanë mbetur edhe pak orë nga regjistrimi në KQZ, PS ka vendosur që një nga figurat kryesore të saj ta kandidojë të 3-ën në qarkun e Korçës.
Më konkretisht, Xhaçka do të mbulojë zonën e Kolonjës. Kujtojmë se Rama deklaroi pak orë më parë se objektivi bazë i PS në Korçë është 6 mandate dhe maksimal 7.
Olta Xhaçka është pjesë e është pjesë e Grupit Parlamentar të Partisë Socialiste që prej vitit 2009, fillimisht si përfaqësuese e Qarkut të Korçës për dy legjislatura në Kuvendin e Shqipërisë dhe në qershor 2017 është zgjedhur përfaqësuese e Tiranës. Në mars 2017, Xhaçka emërohet ministre në Ministrinë e Mirëqenies Sociale dhe Rinisë. Ajo është anëtare e Kryesisë së Partisë Socialiste, Kryetare e Forumit të Gruas së Partisë Socialiste që prej vitit 2010. Ndërsa ka mbajtur postin e ministres së mbrojtjes që prej shtatorit të vitit 2017. Në dhjetor 2020, Xhaçka kaloi në krye të diplomacisë shqiptare.