Ministria e Shëndetësisë ka njoftuar shifrat e fundit lidhur me situatën e COVID-19 në vendin tonë. 698 raste të reja dhe 12 viktima janë shënuar së fundmi.
Shifrat vijojnë të mbeten të larta në Shqipëri, ndërkohë lajmi i mirë është se ka pasur 690 të shëruar dhe 1 mijë e 18 të vaksinuar.
Më shumë raste së fundmi kishte Tirana, me 195, ndërsa ndjekin Shkodra 54, Fieri 45 dhe Mirdita 34.
Sa i përket situatës në spitale, ka vetëm 8 të intubuar momentalisht dhe 492 të shtruar në total.
NJOFTIMI NGA MSH
COVID19/ Ministria e Shëndetësisë: 1018 të vaksinuar, 3463 testime, 690 të shëruar, 698 raste të reja dhe 12 humbje jetë në 24 orët e fundit
Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga COVID19.
Vijon procesi i vaksinimit antiCOVID në qendrat e përqendruara të vaksinimit në të gjithë vendin. Gjatë ditës së sotme janë kryer 1018 vaksinime antiCovid dhe që nga fillimi i vaksinimit janë kryer 24,653 vaksinime për personelin shëndetësor, të moshuarit dhe mësuesit.
Situata e COVID19 në 24 orët e fundit është si vijon: Janë kryer 3463 testime, nga të cilat kanë rezultuar pozitivë 698 qytetarë.
Rastet pozitive të konfirmuara janë identifikuar në këto bashki:
195 raste në Tiranë, 54 raste në Shkodër, 45 raste në Fier, 34 raste në Mirditë, 30 raste në Lushnje, 28 raste në Elbasan, 27 raste në Lezhë, Vlorë, Berat, 20 raste në Krujë, Kavajë, Peqin,18 raste në Gjirokastër, Pogradec, 15 raste në Durrës, 16 raste në Kukës, 11 raste në Korçë, 9 raste në Kurbin, 8 raste në Kamëz, Kuçovë, 6 raste në Devoll, Sarandë, 5 raste në Mallakastër, Tepelene, Ura Vajgurore, Dibër, 4 raste në Përmet, Malësi e Madhe, Memaliaj, Kolonjë, 3 raste në Delvinë, Patos, 2 raste në Vau i Dejës, Divjakë, Gramsh, 1 rast në Pukë, Rrogozhinë, Selenicë, Shijak, Maliq, Cërrik, Poliçan, Libohovë.
Në 24 orët e fundit janë shëruar 690 qytetarë, duke e çuar numrin e të shëruarve në 79,821 që nga fillimi i epidemisë.
Aktualisht në spitalet COVID në Tiranë dhe tre spitalet rajonale po trajtohen 492 pacientë, 24 në terapi intensive, nga të cilët 8 pacientë janë të intubuar.
Me gjithë përpjekjet e stafit mjekësor, 12 qytetarë e kanë humbur betejën me COVID19: 3 qytetarë nga Tirana, 3 qytetarë nga Elbasani, 1 qytetar nga Fieri, 1 qytetar nga Shkodra, 1 qytetar nga Vlora, 1 qytetar nga Lushnja,1 qytetar nga Kuçova, 1 qytetar nga Kavaja, të moshave 53-79 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.
Statistika (13 Mars 2021)
Raste të reja ditore 698
Të shëruar në 24 orë 690
Të shtruar në spitale 492
Humbje jete në 24 orë 12
Testime ditore 3463
Testime totale 507,956
Raste pozitive 116,821
Raste të shëruara 79,821
Raste Aktive 34,970
Humbje jete 2030
Shpërndarja gjeografike e rasteve aktive sipas qarqeve:
Tiranë 23379
Fier 2567
Vlorë 1578
Durrës 1656
Shkodër 1332
Gjirokastër 1207
Korçë 886
Elbasan 587
Lezhë 731
Berat 382
Dibër 345
Kukës 320